Автокатастрофадан коткаручы осталар кая эшли?
Юл-транспорт һәлакәте булган очракта бәлага таручыларга ярдәмгә табиблар белән бергә коткаручылар да ашыга. Еш кына аларның тиз һәм төгәл эшләре бәрабәренә кеше гомерен саклап калырга була.
Әлмәтнең икенче коткару отряды командалары шушы көннәрдә араларындагы иң җитез һәм көчле булган белгечләрне ачыклады. Барлык яктан да әзер, физик һәм рухи чыныгу алган белгечләрнең эш осталыгы шулай ук аларның заманча кораллануыннан да тора. Бәхеткә, бу өлкәдә безнекеләргә тел-теш тидерерлек түгел. Бигрәк тә, нефтьчеләрнең ярдәмен тоеп яшәүче отрядларга кагыла бу. Шуңадырмы, менә инде өченче ел рәттән әлеге бәйгедә 27 нче коткару отряды җиңүче дип табылды. Ул Буа тиздән шәһәрендә узачак республика ярышларында икенче федераль янгын сүндерү командасын тәкъдим итәчәк.