Канье Уэст “Қайратқа“ қарсы: Алматыда стадион мен концерт мәселесі әлі шешілген жоқ
Бұған дейін америкалық рэпер Канье Уэсттің 2026 жылдың 14 тамызында Алматыда өнер көрсетуді жоспарлап отырғаны хабарланды.
Ақпарат алдымен артистің фан-парақшаларының бірінде пайда болды, онда билеттер сатылымы 20 шілдеде басталуы тиіс екені де хабарланған.Кейінірек концерт туралы мәліметті Алматы әкімдігі растады. Сонымен қатар осындай анонсты өз парақшасында кәсіпкер, Karre Ventures және ML1 Records негізін қалаушы Джозеф Карре де жариялады.
Бұдан соң артист турларының сайтында Қазақстан концерттер кестесіне енді.
Фото: tour.yeezy.com
"Қайрат" Каньенің концертін өткізуге қарсы
Ресми мәлімдемесінде "Қайрат" концерт туралы ақпараттың жария кеңістікте клубпен алдын ала келісілмей пайда болғанын хабарлады.
"Қайрат" ФК іс-шараның белгіленген күні Орталық стадионда үй матчтерін өткізетін және еурокубок турнирлеріне қатысуын жалғастырып жатқан клубпен келісілмегенін ресми түрде мәлімдейді", - делінген хабарламада.
Клуб тамыз айында команданың Орталық стадионда бірнеше маңызды матч өткізуі тиіс екенін еске салды.
"Қазақстан Премьер-лигасының күнтізбесіне сәйкес, 8 және 15 тамызда "Қайрат" ФК Орталық стадионда Қазақстан чемпионатының өз алаңындағы матчтарын өткізуі тиіс. Бұдан бөлек, 11-13 тамыз аралығында стадионда клубтың еурокубок аясындағы үй матчі өтуі мүмкін", - делінген мәлімдемеде.
"Қайрат" ЧЛ матчтерін Орталық стадионда өткізуі мүмкін
Еске сала кетейік, 20 шілдеде Чемпиондар лигасының 2026/27 маусымындағы үшінші іріктеу кезеңінің жеребесі тартылды. Алматылық "Қайратқа" қарсылас ретінде кипрлік "Омония" түсті, олармен матч 22 шілдеде (Никосияда) және 29 шілдеде (Алматыда) өтеді.
Instagram-дағы бұл жарияланымды көру
"Қайрат" ФК | FC Kairat Almaty (@f.c.kairat) жарияланымы
Кипрліктерді жеңген жағдайда, "Қайрат" "Левски" (Болгария) - "Университатя" (Румыния) жұбының жеңімпазымен кездеседі. Осы командалардың бірімен өтетін үй матчі Канье Уэстің Алматыдағы концертінің күнімен тұспа-тұс келіп тұр. Орталық стадиондағы ықтимал матч 12 тамызға, ал сырт алаңдағы ойын 5 тамызға жоспарланған.
Яғни, "Қайраттың" ықтимал матчі 12 тамызда, ал Каньенің концерті 14 тамызда өтеді.
Скриншот: uefa.com
Канье үшін алаң мәселесі қалай шешілмек? Мұндай деңгейдегі артистің өнері мұқият дайындықты қажет ететіні жасырын емес.
Орындаушының концерті үшін ұйымдастырушылар аренаның ортасында жер шарын бейнелейтін сфералық құрылым тұрғызады. Бұл конструкция дәстүрлі түрде рэпердің сахнасы ретінде қызмет етеді.
Оны екі күн ішінде тиісті деңгейде жинап үлгере ме? Сұрақ ашық күйінде қалып отыр. Қалай болғанда да, "Қайраттың" "Омониямен" өтетін матчтінің нәтижесінен кейін ұйымдастырушылар да, клуб та өз жоспарларын нақтылауы тиіс.
Фото: видеодан алынған кадр
Джей Ло және Алматы
Айта кетейік, Алматының Орталық стадионында ірі концерт өткізу мәселесі алғаш рет туындап отырған жоқ.
Өткен жылдың мамыр айында Дженнифер Лопестің Up All Night әлемдік туры аясындағы концерті жарияланғаннан кейін де "Қайрат" ФК ресми мәлімдеме жасаған болатын.
Сол кезде клуб концерттің өтетін күні - 10 тамыз мақұлданбағанын, себебі бұл кезеңге Қазақстан чемпионатының үй матчі мен еурокубок ойындары жоспарланып қойғанын хабарлаған болатын.
Фото ©️ Tengrinews.kz
Кейін концерт ұйымдастырушылары, "Қайрат" басшылығы және Алматының спорттық ғимараттар дирекциясы ортақ мәмілеге келді. Премьер-лиганың "Қайрат" - "Жеңіс" матчы 21 қыркүйекке ауыстырылып, Дженнифер Лопестің концертінің бастапқы күні — 10 тамыз сақталып қалды.
"Қайрат" Канье Уэст концертін Алматының Орталық стадионында өткізу идеясын қолдамады