Алматыда Төле би көшесін ұзарту үшін тағы бір көше жабылады
Алматыда Төле би көшесін ұзарту жұмыстарына байланысты Әшімов көшесіндегі қозғалыс уақытша шектеледі, деп хабарлайды Tengri Auto.
Әкімдік мәліметінше, Құлыбеков көшесінен Машан көшесіне дейінгі учаскеде қозғалыс жабылады. Шектеу 24 шілде сағат 23:00-ден 26 шілде сағат 15:00-ге дейін күшінде болады.
Жұмыс жүргізілетін жерге ескерту жол белгілері мен мердігер ұйым басшысының байланыс нөмірлері көрсетілген ақпараттық стенд орнатылады.
Жүргізушілерден шектеуді алдын ала ескеріп, қажет болған жағдайда балама бағыттарды қарастыру сұралады.
Алматыда тағы қай жерде қозғалыс шектелген?
21 шілдеден 1 тамызға (06:00) дейін - Жандосов көшесінің Дәулеткерей көшесінен қала шекарасына дейінгі бөлігінде қозғалысқа уақытша шектеу енгізілді.
23 шілдеден бастап - 2-ші Гончарная көшесінде көлік қозғалысы шектелді. Себебі – жылыту маусымына дайындық жұмыстары.
13 шілдеден бастап - "Самал-2" шағынауданындағы Меңдіқұлов бульвары мен Достық даңғылы арасындағы учаскеде Снегин көшесі бойынша көлік қозғалысы шектелді. Себебі – құбыр желісін ауыстыру.
17 шілдеден 30 тамызға дейін - Бекешев көшесінің Әбділдин көшесінен Белжайлау көшесіне дейінгі учаскесінде көлік қозғалысы уақытша шектелді. Себебі – кәріз коллекторы құрылысы.
24 шілде мен 27 шілде аралығында - Құлжа тасжолының Бұқтырма көшесінен қала шекарасына дейінгі бөлігінде қозғалыс шектеліп, реверстік қозғалыс режимі енгізілді. Себебі – асфальтбетон жоғарғы қабатын төсеу.
Тағы оқыңыз: Алматыда әл-Фараби даңғылына қайтадан қоршаулар орнатылмақ: ол жол апатынан сақтай ма?