Қазақстанда бірінші сыныпқа құжаттарды қалай және қай күнге дейін тапсыруға болады?

Оқу-ағарту министрлігі ата-аналарға 2026 жылы Қазақстанда бірінші сыныпқа құжаттарды қалай тапсыру керектігін еске салды. 2026/2027 оқу жылына өтініштер қабылдау 31 тамызға дейін жалғасады, деп хабарлайды Tengrinews.kz.Құжаттарды қалай тапсыруға болады?
Ата-аналар өтінішті eGov.kz порталы немесе eGov Mobile мобильді қосымшасы арқылы онлайн, сондай-ақ тікелей таңдалған мектепте бере алады.Өтініш беру кезінде келесі құжаттар қажет:

ата-ананың немесе заңды өкілдің өтініші;белгіленген нысандағы медициналық анықтамалар;баланың 3×4 өлшеміндегі фотосуреті.

Құжаттарды қабылдау 2026 жылдың 27 мамыры мен 31 тамызы аралығында кезең-кезеңімен жүргізіледі.
Кімдер бірінші сыныпқа бара алады,
Бірінші сыныпқа алты жасқа толған немесе 1 қыркүйекке дейін алты жасқа толатын балалар қабылданады. Жалпы білім беретін мектепке құжат тапсыру үшін, әдетте, қабылдау емтихандары талап етілмейді.
Оқуға қабылдау кезінде нақты мектепке бекітілген аумақта тұратын балаларға басымдық беріледі.
Бірінші сыныпқа қанша бала барады?
Жаңа оқу жылында 380 мыңнан астам бүлдіршін мектеп табалдырығын аттайды деп күтіледі. Бүгінгі таңда мектептерге 320 мыңға жуық бала қабылданды – бұл болжамды көрсеткіштің шамамен 84 пайызы.296 мыңға жуық бала мемлекеттік мектептерде, ал 23 мыңға жуығы жекеменшік мектептерде білім алады.
Болашақ бірінші сынып оқушыларының 71 пайыздан астамы қазақ тілінде оқытатын сыныптарды, ал 26 пайыздан астамы орыс тіліндегі сыныптарды таңдаған.
Бірінші сынып оқушыларының ең көп саны Түркістан облысында – 50 мыңнан астам, Алматы облысында – 35 мыңнан астам, Астанада – 33 мыңға жуық, Алматыда – 31 мыңнан астам және Шымкентте – 29 мыңнан астам болады деп жоспарланған.
Оқу-ағарту министрлігі ата-аналарға құжат тапсыруды кешіктірмей, 31 тамызға дейін аяқтауға кеңес береді.