Алматы тауларында ер адам жартастан құлап кеткен: құтқару сәтінен видео
Оқиға Алматы облысының Қарасай ауданында, Терра алаңы маңында 2610 метр биіктікте болған. Өтініш берушінің айтуынша, құлағаннан кейін ол ес-түссіз болған.
Оқиға орнына Қазақстан ТЖМ "Барыс" республикалық құтқару қызметі мен Алматы әкімдігінің Мониторинг және жедел әрекет ету орталығының құтқарушылары жіберілді. Құтқарушыларға Проходное шатқалы арқылы таулы маршрутпен жаяу өтуге тура келді.
Зардап шеккен адамға жеткен соң, оны жырадан тауып, дереу алғашқы медициналық көмек көрсетті.
Құлау салдарынан ер адам тасқа соғылып, басынан жарақат алған. Зардап шеккен адам таулы аймақтан қауіпсіз шығарылып, Апаттар медицинасы орталығының қызметкерлеріне тапсырылды. Ер адам әрі қарай медициналық тексеруден өту және қажетті көмек алу үшін №12 қалалық клиникалық ауруханаға жеткізілді.
Instagram-дағы бұл жарияланымды көру
Қазақстан Республикасы Төтенше жағдайлар министрлігінің жарияланымы (@112kz_)
Еске сала кетейік, бұған дейін ТЖМ құтқарушылары Алматы облысының Қарасай ауданында Сәтбаев шыңынан (4317 метр) Германияның үш азаматын эвакуациялаған болатын.