Планеталар парадын күзәтергә онытмагыз
Дөнья мәшәкатьләреннән бераз гына арынып, төнге күк йөзен күзәтергә бер сәбәп табылды. 20 гыйнвардан ай дәвамында күк йөзендә планеталар парадын күзәтергә була. Бу күренешне соңгы мәртәбә 2015 елда күрергә мөмкин булган. Биш тезелгән планета – Меркурий, Венера, Марс, Юпитер һәм Сатурнны - күк йөзендә таң атырга бер сәгать кала күзәтергә кирәк.
Бу планеталардан дүртесен ел башында ук яхшы күрергә була иде, аларга Меркурий хәзер генә кушылды. Планеталар парадын ачык күк йөзендә махсус әзерлексез дә күзәтергә мөмкин. Ул 20 февральгә кадәр дәвам итә.