Алабугалылар игътибарына: җинаятьче хатынны эзлиләр!
Узган елның нояберендә бер алабугалы банк картасы салынган акча янчыгын югалта. Бәхетсезлеккә, картаның пин-коды язылган кәгазь дә шунда була.
Ориентировкада күрсәтелгән хатын, янчыкны таба һәм картадагы акчаны үзләштерә. Акчаны ул картадан ике тапкыр ала: берсендә – сбербанк филиалы банкоматында, икенчесендә шәһәр супермаркетларының берсендә.
Нәтиҗәдә, банк картасын югалткан ир-атка 10390 сум күләмендә матди зыян китерелгән.
Хатын 30-45 яшьтә, уртача буйлы, коңгырт күзле, чәчләре коңгырт-кара. Өстенә ачык сары төстә озын болонь куртка кигән, аягында кара төстәге аяк киеме.
Фотодагы кешене танысагыз, бу турыда эчке эшләр бүлегенә 02 яки 8(85557)7-84-02, 8(85557)7-83-55, 8(85557)7-83-03 телефоннары буенча шалтыратыгыз.