“Барыс“ чемпионды тас-талқан еткеннен кейін ҚХЛ-дағы ең нәтижелі команда атанды

Қазақстандық "Барыс" алғашқы алты кездесуде соғылған шайбалар саны бойынша Құрлықтық хоккей лигасының (ҚХЛ) көшбасшысы атанды. Астаналық ұжым үшін соңғы матч Гагарин кубогінің қазіргі иегерін ойсырата жеңумен аяқталды, деп хабарлайды Tengri Sport.
Ярославльде қазақстандық команда "Локомотив" қақпасына жауапсыз бес шайба соқты. Осы кездесуден кейін "Барыстың" еншісінде 27 гол бар - әзірге лигада бұдан көп гол соққан ешкім жоқ.
Айта кетейік, маусымның алғашқы алты матчінде "Барыс" төрт жеңіске жетті, оның үстіне ұтқан әр ойынында команда бес немесе одан да көп шайба соққан.
Ярославльде "Локомотивті" қапы қалдырудың маңызы зор, себебі "Барыспен" кездескенге дейін қазіргі чемпиондар қатарынан алты матчте жеңіске жеткен болатын.

Еске салайық, бұған дейін "Барыс" ҚХЛ чемпионын 5:0 есебімен ойсырата ұтқан болатын.
Осы маусымда "Барыстың" басты қаһармандарының бірі АҚШ-тан келген Джастин Бэйли болып қала бермек — хоккейші туралы толығырақ мына жерден оқыңыз:біздің материалымыздан.