Куәлігі жоқ жүргізуші біреудің көлігімен Терренқұрда жүрген: видео
Әлеуметтік желідегі кадрлардан ақ түсті, шамамен Toyota маркалы автокөлік жаяу жүргіншілер аймағымен жүріп, көпірге шыққаны көрінеді. Осыдан кейін көлік ішінен бірнеше жолаушы мен жүргізуші шығады.
Instagram-дағы бұл жарияланымды көру
Krisp Almaty | Криспи Алматы (@krisp_almaty) жариялаған пост
Біз Алматы полиция департаментіне пікір алу үшін хабарластық. Ондағылар қызметкерлер 24 қыркүйекте Telegram әлеуметтік желісінде жарияланған видеоға жедел әрекет еткенін хабарлады.
"Әкімшілік полиция басқармасы іздестіру тобының қызметкерлері жүргізілген жедел-іздестіру іс-шаралары нәтижесінде жүргізушінің жеке басын анықтады, ол полицияға жеткізілді", - деп жауап берді Алматы полиция департаментінің ресми өкілі Салтанат Әзірбек.
Жүргізушінің көлік құралын басқаруға құқығы болмағаны анықталды. Осы құқықбұзушылық пен жаяу жүргіншілер аймағында жүргені үшін оған қатысты әкімшілік материалдар толтырылды.
Сондай-ақ Toyota автокөлігінің иесі де көлікті жүргізуші куәлігі жоқ адамға бергені үшін жауапкершілікке тартылды.
"Алматы полиция департаменті әлеуметтік желілерге мониторинг жүргізіп, жол қозғалысы ережелерін бұзатын тұлғаларды анықтау бойынша қажетті шараларды қабылдап жатыр. Әрбір анықталған дерекке қатысты түпкілікті құқықтық баға беріледі", - деп атап өтті ведомство.
Айта кетейік, Алматыда рейд өтіп жатыр, мәселен, өткен тәулікте қалада 5 мас жүргізуші ұсталды.
Полиция мәліметінше, құқық бұзушылардың арасында 20 жастағы көлік иесі де болған. Түнгі сағат 02:30-да "Буран-230" экипажы оны Алмалы ауданындағы Қарасай батыр көшесінде Hyundai көлігін тізгіндеп келе жатқан жерінен тоқтатты.
Посмотреть эту публикацию в Instagram
Публикация от Алматы қаласының ПД | ДП г.Алматы (@almaty.police)
Тағы оқыңыз: Өзен арнасында жатқан көлік алматылықтарды таңғалдырды