Қазақстан ауыр атлетикадан Азия ойындарының күміс жүлдесін иеленді
Қазақстандық ауыр атлет Аянат Жұмағали Жапонияда өтіп жатқан Жазғы Азия ойындарында сәтті өнер көрсетті, - деп хабарлайды Tengri Sport.
Қазақстандық спортшы 77 келіге дейінгі салмақ дәрежесінде күміс жүлдегер атанды.
Жұлқа көтеруде Аянат 109 келіні, ал серпе көтеруде 137 келіні бағындырды. Осылайша, екі сайыстың қорытындысы бойынша ол 246 келі жинады.
Алтын медальды 258 келі (118+140) нәтижесімен Қытай өкілі Хэ Жэньсю иеленді. Үшінші орынды ирандық Рейхане Карими иеленді - 243 келі (107+136).
Бұған дейін қазақстандық Арай Нұрлыбекова өнер көрсеткен болатын. 69 келіге дейінгі салмақта ол жұлқа көтеруде 98 келіні, серпе көтеруде 118 келіні көтерді. Бұл нәтиже оған жетінші орын алуға мүмкіндік берді.