Қазақстанда қарт адамдар көбейіп барады: олар қай өңірлерде тұрады және немен айналысады?

Қазақстанда 60 жастан асқан адамдар саны артып келеді. Бұл ретте мыңға жуық қазақстандық 100 жастық мерейтойын атап өтті, толығырақ Tengri Life материалында.Ұлттық статистика бюросының мәліметінше, 2026 жылдың басында Қазақстанда 60 және одан жоғары жастағы 2 923 472 адам болды. Бұл ел халқының 14,2 пайызын құрайды.
Соның ішінде:

1 163 270 ер адам;1 760 202 әйел адам.

60 жастан асқан адамдардың көпшілі мына өңірлерде тұрады:

Алматы - 328 385 адам;
Түркістан облысы - 216 544;Қарағанды облысы - 212 487;
Алматы облысы - 203 499;
Астана - 171 138.

60 жастан асқан қазақстандықтардың басым бөлігі қалаларда тұрады - 1 894 268 адам. Ауылдық жерлерде 1 029 204 адам тұрып жатыр.
Айта кетейік, Қазақстанда 60 жастан асқан тұрғындар саны өсіп барады. Мәселен, бюроның бұған дейін жариялаған мәліметтеріне сәйкес, 2023 жылдың басында бұл жас тобында 2 616 515 адам немесе ел халқының 13,2 пайызы болған.100 жастан асқан мыңнан аса адамҰлттық статистика бюросының мәліметінше, Қазақстанда жасы 100-ге толған және одан асқан 1 323 адам бар.
Бұл ретте зейнет алдындағы және зейнет жасындағы адамдардың едәуір бөлігі жұмысын жалғастырып жатыр. 2026 жылдың II тоқсанында 60 және одан жоғары жастағы жұмыспен қамтылған қазақстандықтар саны 465 302 адам болды.
Бұған дейін Астанада зейнеткерлерге біржолғы әлеуметтік төлем берілетіні хабарланған еді. Ережеге сәйкес, бұл төлем сомасы 2,5 айлық есептік көрсеткішті (АЕК) құрайды. 2024 жылы бұл 9 230 теңге болса, 2026 жылы 10 812,5 теңге.
Еске сала кетейік, жыл сайын 1 қазанда бүкіл әлемде, соның ішінде Қазақстанда Халықаралық қарттар күні атап өтіледі.