Дзюдошы Қазақстан қоржынына Азия ойындарының тағы бір медалін салды

Қазақстандық Әділет Алмат дзюдодан Азия ойындарының алтын медалі үшін өткен бәсекеде есе жіберді. Финалда ол жарыс қожайыны, жапондық Сотаро Фудживарадан айласын асыра алмады, деп хабарлайды Tengri Sport.81 келіге дейінгі салмақ дәрежесіндегі белдесу мерзімінен бұрын аяқталды. Жапон спортшысы сәтті әдіс жасап, төрешілер оны "иппон" деп бағалады.
Нәтижесінде Фудживара жеңіске жетті.
Айта кетейік, 22 жастағы Әділет Алмат үшін бұл күміс Азия ойындарындағы алғашқы жүлде. Былтыр ол Азия чемпионатында топ жарған болатын.












Instagram-дағы бұл жарияланымды көру

International Judo Federation (@judogallery) жариялаған жазба


Қазақстан құрамасының Азиададағы 18-күмісіӘділеттің жүлдесі Қазақстан дзюдо құрамасы үшін биылғы Азиададағы үшінші күміс болды - бұған дейін Елдос Сметов пен Абиба Әбужақынова да финалға дейін жетіп, күміс медаль иеленген еді.Қазір Қазақстан құрамасы қоржынында 9 алтын, 18 күміс және 35 қола медаль бар.
Бұған дейін Азия ойындарының қола жүлдесін дзюдошы Эсмигүл Куюлова жеңіп алған болатын.