Қазақстан Еуро-2030 турнирін өткізуге өтінім берді
УЕФА мәліметінше, Еуро-2030 турнирін өткізуге түскен өтінімдер саны рекорд көрсеткішке жеткен, бұл спорттың аталған түрінің танымалдылығы артып келе жатқанын аңғартады.
Турнирді қабылдауға Қазақстаннан бөлек Хорватия, Финляндия, Франция, Грузия, Польша және Испания таласып жатыр.
"Қорытынды өтінім құжаттары 2027 жылғы 8 маусымға дейін ұсынылуы тиіс, ал УЕФА-ның атқарушы комитеті турнирді өткізетін қауымдастықты 2027 жылғы қыркүйекте тағайындауы керек", - делінген ұйым сайтында.
Айта кетейік, Қазақстан алдағы жылдары УЕФА-ның бірнеше ірі іс-шарасын өткізу құқығына ие болып үлгерді.
2027 жылы Астанада УЕФА-ның 51-ші Конгресі, сондай-ақ 19 жасқа дейінгі жасөспірімдер арасындағы футзалдан 2027 жылғы Еуропа чемпионатының финалдық кезеңі өтеді. Ал 2028 жылы "Астана Арена" стадионында УЕФА Суперкубогі үшін матч ұйымдастырылады.
Футзалдан Қазақстан құрамасы әлемдегі үздік 10 команданың қатарына кіреді
Еске сала кетейік, футзал – Қазақстан әлемдік элита сапында жүрген танымал командалық спорт түрлерінің бірі. Алматылық "Қайрат" футзалдан УЕФА Кубогін екі рет жеңіп алса, Қазақстан құрамасы әлем чемпионатының жартылай финалына дейін жетіп, Еуропа чемпионатының қола жүлдесін иеленген.
Қазіргі таңда біздің команда әлемдік рейтингте сегізінші орында тұр және 2028 жылғы Әлем чемпионатына жолдама алу үшін күресті жалғастырып жатыр. Іріктеу кезеңінің алғашқы матчінде құрамамыз Беларусь командасын 5:4 есебімен ұтты.
Instagram-дағы бұл жарияланымды көру
Қазақстан футзал ұлттық құрамасының жарияланымы (@kff_team_futsal)
Қазақстан құрамасының капитаны мансабын аяқтайтынын жариялады