Binance негізін қалаушы Илон Масктан троллингті доғаруды сұрады
"Троллинг жасайтын уақыт емес"
Бұған америкалық миллиардердің X әлеуметтік желісінде банкротқа ұшыраған FTX биржасының негізін қалаушы Сэм Бэнкман-Фридтің ескі мәлімдемесінің скриншоты астына қалдырған эмодзиі себеп болды. Ол мәлімдемесінде платформаның клиенттердің шығындарын өтеуге қаражаты жеткілікті екенін айтқан еді.
Бұған жауап ретінде Чжао Масктен троллингті тоқтатуды сұрады.
"Илон, мен сені қатты құрметтеймін, бірақ қазір троллинг жасайтын уақыт емес. Өтінемін, тоқтат. Біздің SPCX акцияларымыз (сенің Twitter-ді сатып алу келісіміңе салған 500 миллион долларлық инвестициямыздан кейін) қазір миллиард доллардан асады. Аз да болса қолдау көрсетсең риза болар едім. Рақмет!", - деп жазды Binance негізін қалаушы X әлеуметтік желісінде.
@elonmusk @HuaweiMate6 Elon, have a lot of respect for you, but bad time to troll. Please stop. Our SPCX shares (from our $500m investment in your Twitter takeover) are worth more than a billion. Would appreciate if you show a little support. Thanks!
— CZ ???? BNB (@cz_binance) October 30, 2026
Binance-қа не болды?
Еске сала кетейік, 29 қазанда Binance ауқымды кибершабуыл жасалғанын хабарлады. TRM Labs талдау компаниясының бағалауынша, платформа әмияндарынан шамамен 6,36 миллиард доллар шығарылған. Шабуыл он блокчейнге әсер етіп, қаражаттың негізгі бөлігі шамамен 20 минут ішінде аударылған.
TRM Labs сарапшылары шабуылды солтүстіккореялық TraderTraitor хакерлік тобымен байланыстырды. Binance пайдаланушылардың шығынын өтейтінін мәлімдеді. Компания мәліметінше, серіктестер зардап шеккен активтердің шамамен үш миллиард долларын бұғаттай алған.
Чанпэн Чжао деген кім?
Чанпэн Чжао - 2017 жылы Binance-тің негізін қалаған кәсіпкер. Кейін бұл биржа әлемдегі ең ірі платформалардың біріне айналды. 2023 жылы Чжао АҚШ-та ақшаны жылыстатуға қарсы талаптарды бұзғанын мойындап, бас директор лауазымынан кетті. 2024 жылы ол төрт айға бас бостандығынан айырылды, ал 2025 жылдың қазанында АҚШ президенті Дональд Трамп оған кешірім жасады.