Жанна Фрискены дәвалар өчен җыйган акчалар юкка чыккан
Бу хакта "Русфонд" хәйрия фонды белдергән. Хәтерләсәгез, бөтен ил белән җырчыны дәвалау өчен акча җыйдылар.
Аңа хәйриячеләр тарафыннан 25 млн сум акча җыелган иде. “Русфонд” ул чорда җырчы белән килешү төзеде. Жаннаны дәваларга киткән 4 млн сум акча турында якыннары отчет ясаган, 20 млн сум акча исә каядыр юкка чыккан. Фонд ул акчаларның ниндидер өченче затның исәп-хисап счетына күчерелүен бәян иткән. Шуңа да “Русфонд” Тикшерү комитетына җинаять эше кузгатуларын сорап, гариза җибәргән.