Программистның башын яңа тәнгә утыртачаклар
Башны бер тәннән икенчесенә күчереп утыртканда баш миенең эшкә сәләтлелеге саклана икән.
Кытайда моны раслау өчен шундый беренче операция ясап караганнар. Италия хирургы Серджио Канаверо белән Кытай хирургы Жэнь Сяотин маймылга баш күчереп ялгау буенча тәүге операцияне уңышлы башкарып чыкканнар. Шуннан соң маймыл 20 сәгать яшәгән, аннары аны мәңгелеккә йоклатканнар. Шушы операция белән табиблар баш миенең эшкә сәләтлелеге сакланганлыгын раслаганнар.
Исегезгә төшерәбез, Россия программисты Валерий Спиридонов үзенең башын башка тәнгә күчереп утырту буенча операция көтә. Сержио Канаверо операцияне Мәскәүдә ясаячак. Аның өчен җирле олигархлар спонсор булырга тиеш.