Евгениянең гаиләсенә ярдәм кирәк, әйдәгез, читтә калмыйк!
Карак керсә кала, уттан калмый дигән халык. Әлмәтле Евгения Хаярова да янгын дигән бәхетсезлеккә дучар була...
17 гыйнварда Евгениянең гаиләсе өйсез кала. Янгында гаиләнең бөтен шәхси әйберләре, документлары, бер сүз белән әйткәндә, бөртекләп җыйган мал-мөлкәне көлгә оча.
Йөзләгән яшь гаиләнең беренче бәйрәмнәрен оештыручы, күпләрнең туган көннәрен, юбилейларын күңелле итүче Евгенияне әлмәтлеләр белә булыр. Аның һәркемнең күңеленә үтеп керердәй елмаюы, җор теле мәңге елмаймасларның да кәефен күтәрергә мәҗбүр итә. Шултиклем авыр сынау каршында калып та Евгения бирешергә уйламый, әлбәттә. Шулай да аның ярдәмгә мохтаҗ икәнлеге сүзсез дә аңлашыла торгандыр.
Евгения һәм аның якыннарына ярдәм кулы сузарга теләүчеләр “Академия праздника” иҗат берләшмәсенә мөрәҗәгать итә яисә Евгениягә шалтырата ала. Телефон номеры: 89173994702.