Зәйдә икътисади советның күчмә утырышы кирпеч заводында узды
Узган шимбәдә Зәй кирпеч заводында район башлыгы Разиф Кәримов җитәкчелегендә район икътисади советының күчмә утырышы булды. Утырышта 2015 елдагы эшчәнлеккә хисап һәм 2016 елга планнар тыңланды, шулай ук завод эшчәнлегенең нәтиҗәлелеген күтәрү мәсьәләләре каралды. Мисал өчен, 2015 елда завод 2 миллион 850 кирпеч чыгарган, бу, 2014 ел белән чагыштырганда,16 процентка күбрәк дигән сүз. Шулай ук сату 24 процентка арткан һәм ул 17 миллион 350 мең сумнан 21 млн. 566 мең сумга җиткән. Заводның рентабельлелеге 0,3 процентка арткан.