Әнисе бикләп киткән исерек хатын йортны шартлата язган
Бу хәл 24 гыйнварда була. Исерек хәлдәге лениногорскилы 30 яшьлек хатын-кыз фатирында газның барлык конфоркаларын ачып куеп, шартлатам, дип куркыта.
Аны әнисе өстеннән бикләп чыккан була, бу хакта республика буенча гадәттән тыш хәлләр министрлыгы сайты хәбәр итә.
Шартлату куркынычы турындагы хәбәр диспетчерга 16 сәгать 50 минутта килә. Коткаручылар тиз генә шул подъездда яшәүчеләрне эвакуациялиләр һәм баскыч куеп горгаз хезмәткәрләре белән фатирга кереп газны ябалар, хатынны полиция хезмәткәрләренә тапшыралар.