Алабугада җылыта
Республика территориясендә һава температурасы 4-9 градус салкын булачак, буран булуы мөмкин.
Татарстан синоптиклары фаразына караганда, бүген Татарстан территориясендә һәм Казанда урыны белән көньяктан секундына 15-18 метрга кадәр җитүче көчле җил көтелә. Иртән һәм көндез көчле кар, буран ихтимал. Юлларда кар көртләре барлыкка киләчәк.
Төнлә термометр баганалары 13-18, көнчыгышта 19-24 градус салкынга кадәр төшәчәк. Әмма иртән һава тепературасы күтәреләчәк һәм көндез 4-9, көнчыгыш районнарда 15 градус тәшкил итәчәк. Татарстанның көньяк-көнбатышында җылырак, көньяк-көнчыгышында салкынчарак булачак.
Казанда, ТРның күпчелек районнарындагы кебек үк, кар, урыны белән буран көтелә. Төнлә 16-18, көндез 7-9 градус суык булачак.
30 гыйнварга каршы төндә республиканың күпчелек районнарында кар, кайбер районнарда буран фаразлана. Җил көньяктан, көньяк-көнбатыштан талгын, көчәйгәндә секундына 16 метрга кадәр җитәргә мөмкин. Юлларда бозлавык, урыны белән карт көртләре саклана, дип хәбәр итә ТР Гидрометеорология һәм әйләнә-тирә мохит мониторингы идарәсе.