Полиция хезмәткәрен кыйнау күпмегә төшкән?
Узган елның 20 ноябрендә автошәһәрнең бер кафесында Дмитрий Башкин атлы ир исерек баштан җәнҗал куптара.
Аптырап калган җәмәгать туклану урыны хезмәткәрләре полициягә мөрәҗәгать итәргә мәҗбүр була. Алар да каны кызган ирне тиз генә туктата алмый. Исерек ир полиция хезмәткәренең битенә йодрык белән “ямый”.
Хакимият вәкиленә карата көч кулланганы өчен Башкинга карата җинаять эше ачыла.
Нәтиҗәдә суд җәнҗалчыны шартлы рәвештә ике елга ирегеннән мәхрүм итә.