Астахов йортларга төтен датчиклары куярга тәкъдим итә
Балаларның хокукларын яклау буенча РФ Президенты каршындагы вәкаләтле вәкил Павел Астахов төбәкнең җитәкче органнарына имин булмаган гаиләләр яшәүче фатирларга, тузган һәм агач йортларга бюджет хисабына төтенгә тәэсир итүче датчиклар куярга тәкъдим итәргә җыена.
– Янгыннарда балалар да даими үлә, шуңа күрә бу проблеманы чишәргә кирәк. Датчиклар куелган очракта бу йортта төтен чыгу белән сигнализация эшли башлаячак, – ди ул. Кемерово белән Оренбург өлкәләрендә әлеге датчикларны куйганнар инде.