Фатирлы да, эшле дә итә
Районда иң эре инвесторлардан исәпләнгән “Кулон-Агро” хуҗалыгы узган ел ике хезмәткәрне яхшы эш урыны һәм фатир белән тәэмин итте.
Мондый игелекле гамәлне биредә быел да дәвам итәргә исәп тоталар. Хуҗалыкның үзәк усадьбасында бу көннәрдә 4 гаиләгә ике катлы йорт җиткерәләр. Аның аскы кат тәрәзәләре ярымтүгәрәкләп эшләнгәнгә, авыл кешеләре аңа “Бай йорты” дигән исем дә биреп өлгергән. ”Бай йорты”нда эшче-хезмәткәрләр мул тормышта яшәрләр дип ышанасы килә. Хуҗаларның бу изге гамәлләрен, бәлки, башкалар да өлге итеп алырлар.
Фото: редакция архивыннан алынды.