Грипп китәргә ашыкмый
Чаллыда “дуңгыз гриппы” белән авыручылар саны 58гә җиткән.
Бу хакта дүшәмбе көнне шәһәр хакимиятендә узган матбугат конференциясендә хәбәр иттеләр. 21 кеше йогышлы авырулар хастаханәсендә дәвалана. Аларның хәле канәгатьләнерлек, калганнары өйләренә озатылган инде. 26 гыйнвардан Чаллыда карантин игълан ителгән иде. Шәһәрдә битлек киеп йөрү режимы дәвам итә.