18 яшьлек егет сеңлесен үтерттергән. Ни өчен?
16 март кичендә бер ир эштән кайтуына ваннада 12 яшьлек кызының үле гәүдәсенә тап була.
Кыз муенындагы пычак җәрәхәтләреннән үлгән була. Ир тиз арада полиция чакырта. Һәм алар үтерүченең эзенә төшәләр.
Баксаң, 12 яшьлек сеңлесен аның 18 яшьлек абыйсы кеше яллап үтерттергән. Ул гаилә милкендә булган фатирларны үзенә алырга теләп Интернет аша 17 яшьлек үтерүчене тапкан һәм бөтен гаилә әгъзаларын бтертергә карар иткән. Беренче корбаннан соң ук җинаятьче куркып калган һәм башка гаилә әгъзаларын көтеп тормаган. Бу хәл Мәскәүдә була.
Ике җинаятьче дә кулга алынганнар. Тикшерү дәвам итә.