Әниләргә ашыгырга кирәк
Ана капиталы акчасыннан бер тапкыр бирелүче түләүне алу өчен бер көн калды. Көндәлек кирәк-ярак өчен тотарга 20 мең сум алуга гаризаны 31 мартка кадәр бирергә мөмкин.
Гаризада СНИЛС номеры, шулай ук ана капиталы сертификаты сериясе һәм номеры күрсәтелә. Шәхесне танытучы документны һәм исәп-хисап реквизитлары белән банк белешмәсен шулай ук үзең белән алырга кирәк. Бер тапкыр бирелүче бу түләү бер тапкыр түләү юлы белән ике ай эчендә сезнең счетыгызга күчерелә.
Бу түләүне 2016 елның 1 гыйнварына кадәр туган баласы булган ата-аналар алырга хокуклы.