Лотереяга зур акча откан кеше табиб булып чыккан
Джек-потны алып, 358 млн сум откан кеше Новосибирскидан 47 яшьлек табиб булып чыккан.
«Гослото»га шуның кадәр акча чыгуы турындагы хәбәр 27 февральдә үк билгеле булса да, аның иясе шушы көннәрдә генә табылган.
Табиб бу акчаларны хәйриячелеккә юнәлтергә ниятли. Аннары үз бизнесын ачып, бу шәһәрдән күчеп китәргә теләвен әйтә. Ул отышлы лотереяны шәһәр киоскыннан сатып алган. Бу юлы лотереялар сатып алуга 1800 сум акча тоткан булган.