Дәүләт хезмәтләренә ихтыяҗ арта
Әлмәтлеләр дәүләт хезмәтләреннән көннән-көн күбрәк файдалана бара. Кайберәүләр проблемаларын да туп-туры шунда җиткерә.
Район башлыгы аппараты җитәкчесе Ринат Шәйхаттаров белдергәнчә, узган атнада Татарстанның электрон хезмәтләренә 398 кеше мөрәҗәгать иткән. “Халык контроле”ндә 28, “Кайнар линия”дә 10 сорау күтәрелгән. Ел башыннан барлыгы 1008 мөрәҗәгать кергән.