Türkiyə Suriya əməliyyatından ‘geriyə addım atmayacaq’
Erdoğan bu bəyanatı yanvarın 22-də, Türkiyə hərbçiləri ABŞ tərəfindən dəstklənən Xalq Müdafiə Birliklərini (YPG) Afrin anklavından çıxarmağa çalışdığı bir vaxtda verib. ABŞ Türkiyəni belə bir əməliyyatdan çəkinməyə çağırmaqla bildirmişdi ki, bu, bölgədəki vəziyyəti daha da sabitsizləşdirə bilər.
Türkiyə kürd YPG qüvvələrini qadağan edilmiş Kürdüstan İşçi Partiyası (PKK) ilə əlaqələrdə ittiham edir. PKK Türkiyədə, ABŞ-da və Avropa İttifaqında terrorçu qrupların siyahısına daxil edilib.
AFP xəbər agentliyinin verdiyi məlumata görə Erdoğan Ankarada etdiyi çıxışda deyib: “Biz qətiyyətliyik. Afrin məsələsi çözüləcək. Biz geri addım atmayacağıq. Biz bu barədə rusiyalı dostlarımızla danışmışıq. Bizim razılaşmamız var”.
O əlavə edib ki, Türkiyə bu barədə Birləşmiş Ştatlarla da danışıb, amma “biz ABŞ-ı bəzi məsələlərdə inandıra bilməmişik”.
Türkiyə prezidenti bildirib ki, sərhəd üzərindən aparılan “Zeytun budağı” əməliyyatı “hədəflər əldə olunduqda” başa çatacaq.
Baş nazir Binali Yıldırım deyib ki, Türkiyə qoşunlarının və Suriya qiyamçılarının iştirakı, habelə tank və təyyarələrdən istifadə ilə keçirilən bu əməliyyatdan məqsəd “Suriyanın 30 kilometr dərinliyində təhlükəsizlik zonasının yaradılmasıdır”.
Bundan əvvəl Rusiya prezidenti Vladimir Putinin sözüçsü Dmitri Peskov demişdi ki, Moskva “əməliyyatı diqqətlə müşahidə edir” və həm Türkiyə, həm də Suriya hökumətləri ilə əlaqədədir.
Syria hökuməti, onun təbirincə deyilsə, “Türkiyənin Afrindəki təcavüzünü” pisləyib.
Rusiya Müfdafiə Nazirliyi bildirib ki, “potential təxribatları önləmək və Rusiya hərbçilərinin həyat və salamatlığı üçün təhlükəyə yol verməmək məqsədilə” qoşunlarını Afrin bölgəsindən çıxarır.
ABŞ və Rusiyanın “narahatlığı”
Yanvarın 22-də Rusiya xarici işlər naziri Sergey Lavrov Vaşinqtonu Suriya kürdləri arasında separatçı hissiyyatı “açıq şəkildə” həvəsləndirməkdə və onları Suriya hökuməti ilə danışıqlardan çəkindirməkdə ittiham edib.
Lavrov deyib ki, “bu ya vəziyyətin başa düşülməməsi, ya da şüurlu təxribatdır”.
Londona səfəri əsnasında ABŞ dövlət katibi Rex Tillerson deyib ki, Vaşinqton Suriyanın şimalındakı “türk insidentindən narahatdır”. O hər iki tərəfi təmkin göstərməyə çağırıb.
Tillerson deyib: “Biz Türkiyənin öz vətəndaşlarını terror elementlərindən müdafiə etmək kimi legitim hüququnu tanıyırıq”.
Dövlət katibi əlavə edib ki, “ABŞ hazırda Türkiyənin legitim təhlükəsizlik narahatlığının aradan qaldırlıması üçün nə edilə biləcəyi məsələsini nəzərdən keçirir”.
NATO-nun bəyanatında deyilir ki, Türkiyə terrorizmdən çox əzab çəkib və özünümüdafiə haqqına malikdir. Lakin alyans eyni zamanda Ankaranı bu haqqı “ölçülüb-biçilmiş və adekvat” qaydada müdafiə etməyə çağırıb.
Az sonra BMT Təhlükəsizlik Şurası Suriyadakı vəziyyətin müzakirəsinə toplaşmalıdır.