Trump bütün düynayda zülm çəkənlərlə həmrəyliyini bildirdi
Prezident Donald Trump bütün dünya boyunca “zülm və dini təqiblərə” məruz qalan insanlarla həmrəyliyini bəyan edib.
Fevralın 8-də Vaşinqtonda keçirilən Milli Dua Ziyafətində Trump öz hökumətindən zülm görən xalqlara misal olaraq İranın adını çəkib.
Trump deyib: "Biz bilirik ki, İran, Kuba, Venesuela, Şimali Koreya və başqa ölkələr repressiv və qəddar rejimlərin altında inləyir.Amerika zülmdən və dini təqibdən əzab çəkən bütün insanların yanındadır”.
Milli Dua Ziyafəti Amerikada hər il keçirilir və bu məclisdə ABŞ-ın yüksək vəzifəli siyasiləri və xarici qonaqlar iştirak edirlər.
Dwight D. Eisenhower-dən bu yana ABŞ-ın bütün prezidentləri bu tədbirdə müraciətlə çıxış ediblər.