Bu dəfə bullinqə məruz qalan məktəb oldu: Nə üçün təhsil ocağını “yandırmağa” cəhd edirlər? – Aqil Bəkir yazır
Uzun müddətlik səssizlikdən sonra yenidən kompüterin qarşısına keçib belə bir məsələ haqqında yazmaq mənim üçün ağrılıdır. Ona görə ki il-ilyarım əvvəl yazdığım yazılarda hadisələrin bu dərəcəyə gəlib çatmasının anonsunu vermiş, “Sözümüz var”da bu barədə eninə-boyuna danışmışdıq. Ancaq danışıqlarımız elə danışıqda qalır və cəmiyyətin çarxı necə var, elə də dönür. Bu döndürmənin başında kimin dayanması isə önəmsizdir. Çünki cəmiyyət idarə oluna bilən orqanizmadan çoxdan çıxmalıydı. Ancaq tam tərsi olur: Toplumumuzun fikrini istənilən anda yayındırmaq, başqa yerə yönəltmək hər keçən gün daha da asanlaşır.