Ermənistan ordusunu XAOS BÜRÜYÜB – Artan intiharlar, əxlaqsızlıq, yerlibazlıq…

Son illərdə Ermənistan ordusunda qeyri-döyüş şəraitində misli görünməmiş sayda ölüm halları baş verir və bu, artıq adi bir hal alıb. Demək olar ki, hər ay, bəzən isə hər həftə Ermənistanın İstintaq Komitəsi orduda “aydınlaşdırılmamış şəraitdə” baş vermiş ölüm halları ilə bağlı məlumat yayır. Ermənistan ordusunda əsgərlər ya intihar edir, ya da məişət münaqişələri zəminində bir-birlərini öldürürlər. Lakin bu məsələnin ən qorxunc tərəfi ondan ibarətdir ki, bu hadisələrin səbəbləri heç vaxt tam olaraq araşdırılmır, günahkarlar cəzalandırılmır və orduda nizam-intizam yaratmaq üçün heç bir ciddi təşəbbüs göstərilmir.