Гараць Альманскія балоты
Агнём ахоплена каля 200 гектараў тэрыторыі. Гарыць лес, гарыць балота. Як распавялі ў Столінскім РАНС, барацьбу з агнём вядуць восем баявых разлікаў.
На дапамогу столінскім ратавальнікам прыбылі змагары з агнём з Лунінца, Пінска і Ганцавічаў. Задзейнічаны два верталёты МІ-8 МНС РБ. Яны здзейснілі больш за 40 скідаў вады. Разам з пажарнымі працуюць работнікі лясной гаспадаркі. У агульнай складанасці на месцы пажару знаходзіцца каля 100 чалавек. Аперацыяй па ўтаймавання стыхіі кіруе намеснік начальніка Берасцейскага абласнога ўпраўлення МНС палкоўнік унутранай службы Леанід Шапялюк.
Узгаранне пачалося ў 345 квартале ў раёне беларуска-ўкраінскай мяжы, агонь гнаў вецер велізарным клінам у глыб Столінскага раёна. Працягласць фронту агню складае 40 км. Тушэнню агню перашкаджае недахоп паблізу крыніц вады. Ратавальнікаў выдатна дапамагае нядаўна пабудаваная ў заказніку дарога. Да месца пажару тэхніка і людзі дабіраюцца з боку вёскі Цярэблічы Столінскага раён. У ранейшыя гады пад’езды да мяжы былі толькі з боку Гомельскай вобласці, а гэта вялізны круг.
Барацьба з агнём у Альманскіх балотах ідзе з 22 красавіка. Людзі на пажары працуюць вахтавым метадам.
Фота МНС