Экскурсіі па мікашэвіцкім “Граніце”
Цяпер турыстам можна патрапіць на экскурсію па буйнейшым штучным кар’еры Еўропы, які належыць рэспубліканскаму ўнітарнаму вытворчаму прадпрыемству “Граніт”. Знаходзіцца ён побач з Мікашэвічамі Лунінецкага раёну Берасцейскай вобласці, і здабываюць там шчыльныя горныя пароды, прыдатныя ў будаўніцтве.
У прадпрыемства ёсць штатны экскурсавод Ніна Кендрук, які распавядзе пра гісторыю кар’ера ў фактах і лічбах, правядзе на аглядную пляцоўку і да вадаспадаў кар’еру, а таксама пакажа музей:
– Можна фатаграфаваць камяні, валуны, на іх можна станавіцца. То бок няма ніякіх абмежаванняў. Неўзабаве я раздам каскі. Бо ўсе вы прыехалі цэлыя і здаровыя, і мы вельмі хочам, каб вы паехалі ад нас жывымі і здаровымі.
Поўны пералік паслугаў для жадаючых наведаць кар’ер і музей можна даведацца на сайце РУВП “Граніт” у інтэрнэце. Усе экскурсіі ўзгадняюцца папярэдне праз тэлефон, альбо электронную пошту, пазначаную там жа.
[See image gallery at racyja.com]
Беларускае Радыё Рацыя, Мікашэвічы