Марш жанчын у Менску скончыўся затрыманнямі
Напрыканцы марша, юдзі, якіх не затрымалі ля ГЦ «Айсберг» сталі ў ланцуг салідарнасці на Сурганава.
Людзі, якіх не затрымалі ля ГЦ «Айсберг» сталі ў ланцуг салідарнасці на Сурганава.
***
Аўтазакі і мікрааўтобусы пад крыкі «Ганьба!» з’язджаюць ад ГЦ «Айсберг».
У 17 гадзінаў на тэрыторыі каля ГЦ «Айсберг» амаль не засталося нікога з удзельніц акцыі – большасць з іх у аўтобусах і аўтазаках, паведамляе карэспандэнт TUT.BY.
Падчас затрыманняў людзі ў форме паводзілі сябе з дзяўчатамі ветліва.
– Не правакуйце супрацоўнікаў, калі ласка, праходзім у аўтазакі, – звяртаўся да дзяўчат адзін з іх.
Хтосьці з дзяўчат выйшаў са счэпкі і пайшоў у бок машыны.
– Мы ішлі на спатканне, – казалі людзям у форме дзве дзяўчыны.
– Дык дзе вашы хлопцы? – удакладнялі людзі ў форме і пазней праводзілі дзяўчат да аўтобуса.
***
Сённяшні марш быў заяўлены як „бліскучы” — жанчын заклікалі прыходзіць на яго ў яскравай вопратцы, з яскравымі транспарантамі, упрыгожыўшы сябе бліскавінкамі.
Збор адбываўся а 15-й на Камароўцы.