400-гадовы Дуб Дунін мае шанец стаць Еўрапейскім дрэвам 2022 года
Галасаванне ў конкурсе, арганізаваным міжнародным кансорцыўмам EPA, працягнецца да канца лютага.
Галасаванне ў конкурсе, арганізаваным міжнародным кансорцыўмам EPA (Environmental Partnership Association), працягнецца да канца лютага. Арганізацыя ў першую чаргу падтрымлівае мерапрыемствы, якія звязаныя з аховай навакольнага асяроддзя.
У Польшчы конкурс ладзіць Klub Gaja.
Сярод прэтэндэнтаў было яшчэ 16 вядомых дрэў Еўропы. Яны перамаглі на нацыянальных галасаваннях. Кожны з іх мае сваю гісторыю і важны для мясцовай супольнасці.
Дуб Дунін – адзін з самых вядомых лясных волатаў – яго называюць вартаўніком пушчы. Ён расце ў Пшыбудках гміны Нараў.
Януш Корбель, адзін з заснавальнікаў экалагічнага руху, назваў дрэва „Дунін” у гонар беларускага паэта і драматурга Вінцэнта Дуніна-Марцінкевіча.
Рэпартаж „Дуб Дунін на варце Беларусі” Вольгі Сямашкі можна паслухаць па спасылцы.
Старое дрэва гніло, але цяпер яго ратуюць з дапамогай адмысловых працэдур.
Пераможца конкурсу Еўрапейскае дрэва 2022 года стане вядомы 22 сакавіка. Вы можаце прагаласаваць на сайце: www.treeoftheyear.org/PL.