Зміцер Вайцюшкевіч распавёў пра свой новы альбом

28.04.2022 20:15

У студыі Радыё Рацыя пабываў неаб'яўлены Народны Артыст Беларусі Зміцер Вайцюшкевіч.

Artykuł Зміцер Вайцюшкевіч распавёў пра свой новы альбом pochodzi z serwisu БЕЛАРУСКАЕ РАДЫЁ РАЦЫЯ.

У студыі Радыё Рацыя пабываў неаб’яўлены Народны Артыст Беларусі Зміцер Вайцюшкевіч.

РР: Ужо праз гадзіну пачнецца канцэрт у кавярні «Лялькі» тут у Беластоку. Які будзе змест?

– Традыцыйна, будуць песні, прысвечаныя вясне, будзе пару прэм’ер. І будуць песні добра вядомыя і тыя, якія я захачу ў той момант праспяваць.

РР: Звычайна Вы загадзя распісвайце плэй-ліст? Ці нейкая яго частка нараджаецца ў працэсе імправізацыі?

– Нейкая частка ў працэсе імправізацыі, таму што гэтых песень багата за гэтыя больш чым 20 гадоў напісана. І нехта просіць тое, што я сам ужо даўно не выконваў. І тут пытанне, ці памятаю я гэты тэкст у галаве, таму што іх вельмі шмат, больш за 200.

РР: Якая публіка прыходзіць, якая Вас добра ведае? Ці шмат неафітаў, якія толькі сутыкнуліся з беларускай культурай за апошнія два гады?

– Я ў Беластоку маю шчасце, у мяне тут свая аўдыторыя, прычым мясцовая. Я не наракаю на беларусаў, беларусы якія прыехалі таксама прыходзяць на канцэрты. Але вельмі шмат прыходзіць у Беластоку, гэта такі ўнікальны момант» мясцовай інтэлігенцыі. Ведаю людзей, якія звязаныя з Беларуссю, магчыма скончвалі ліцэй у Бельску ці Гайнаўцы, якія нейкім чынам па-сваему ўжо вядуць мяне 20 гадоў.

РР: У анонсе таксама пазначаныя песні з новага, «Рокавага Альбома». Што гэта плануецца?

Ён ужо практычна скончаны, зараз працуем з вокладкай. Гэта 9 песняў на вершы беларускіх паэтаў. Барадулін ці Някляеў. Таксама ёсць Караткевіч. Таксама і некаторых больш маладых.

Цалкам размова: