Доктар навук паказаў вынікі даследавання пра погляды беларусаў на вайну ва Украіне
Доктар сацыялагічных навук Андрэй Вардамацкі прэзентаваў вынікі свайго даследавання, прысвечанага поглядам беларусаў на вайну ва Украіне.
Апытанне праводзілася 15-26 сакавіка, рэспандэнтамі стала 1 000 чалавек. Як зазначыў спецыяліст, колькасць тых, хто падтрымлівае знаходжанне расейскай арміі ў Беларусі і выступае супраць гэтага, прыблізна аднолькавая, хаця і з невялікім зрухам у бок адмоўнай ацэнкі.
Пры гэтым да таго, што расейскія войскі выкарыстоўваюць беларускую тэрыторыю для ваенных дзеянняў супраць Украіны, беларусы ставяцца негатыўна.
Пра тое, як беларусы адчуваюць сябе цяпер, падчас вайны, падзяліўся Андрэй Вардамацкі:
– Не адчуваюць сябе беларусы саўдзельнікамі вайсковага канфлікту ва Украіне. Можна казаць і пра матывацыю. І яна заключаецца ў тым, што ў вялікай часткі насельніцтва няма адчування вайны ўвогуле, вайна – дзе яна? Ну, праехалі вайсковыя машыны, і дзе вайна? Са СМІ паступае вельмі мала інфармацыі. Таму няма адчування.
Адметна, што стаўленне беларусаў да ўдзелу ў вайне адрозніваецца ў залежнасці ад роўню адукацыі. Найбольшы ровень падтрымкі магчымага ўводу беларускай арміі ва Украіну назіраецца сярод людзей найменш адукаваных.
Марына Савіцкая, Беларускае Радыё Рацыя
Artykuł Доктар навук паказаў вынікі даследавання пра погляды беларусаў на вайну ва Украіне pochodzi z serwisu БЕЛАРУСКАЕ РАДЫЁ РАЦЫЯ.