У Кобрыні ўжо год шукаюць таго, хто Лукашэнку абразіў у інтэрнэце
Чарговы вобыск адбыўся на хутары інваліда 2 групы Аляксандра Краўчука ў вёсцы Дзевяткі Кобрынскага раёна.
Мясцовая міліцыя год шукае таго, хто пакінуў абражальны каментар у адным з кобрынскіх чатаў на адрас Лукашэнкі. Міліцыянты не першы раз праводзяць вобыск па гэтай справе на хутары і нават у доме жонкі Краўчука, з якой яны жывуць асобна, гаворыць Аляксандр Краўчук:
– Праваахоўныя органы фактычна ў мяне нічога не забралі. Таму што да гэтага я дабравольна аддаў тэлефон следчаму, каб праводзілі экспертызы. Па гэтай справе ў горадзе быў забраны не адзін тэлефон, не адзіны вобшук быў праведзены. У мяне, напрыклад, гэта ўжо трэці раз па гэтай справе правялі вобшук. Людзям, напэўна, займацца няма чым.
Паводле Аляксандра Краўчука, такія нязначныя справы адцягваюць увагу праваахоўных органаў ад важных спраў па ахове грамадзян ад крымінальных і іншых злачынных дзеяў. Галоўная мэта пустапарожніх заняткаў міліцыянтаў – запужванне насельніцтва.
Беларускае Радыё Рацыя
Artykuł У Кобрыні ўжо год шукаюць таго, хто Лукашэнку абразіў у інтэрнэце pochodzi z serwisu БЕЛАРУСКАЕ РАДЫЁ РАЦЫЯ.