Палітвязня Уладзіміра Гундара змясцілі ў карцар
Палітвязень, інвалід другой групы інваліднасці Уладзімір Гундар пакараны 10 суткамі карцара за супраціў распрананню дагала для прасвечвання праз рэнтген адзення кожны раз, калі вядуць у судовую залю.
Кіраўніцтва праігнаравала хадайніцтва падсудных пра адмену гэтай працэдуры штораз перад судовым працэсам. Апошні раз Гундар стаў супраціўляцца і яго прымусова распранулі да майткаў і прыкавалі да клеткі. У адказ ён аб’явіў галадоўку, кажа яго жонка Алена Гундар:
– Адвакат сустрэлася з ім, размаўляла. Адразу сказаў ёй, што галадоўку не адменіць не гледзячы ні на што. Мы напісалі яму пісьмы, я і дачка Інга, прасілі, каб спыніў галадоўку, але ж не.
Гундар перадаў родным словы падзякі за турботы, але сказаў, што ён адступаць не збіраецца.
Уладзімір Гундар уваходзіць у «групоўку тэрарыстаў» Мікалая Аўтуховіча, якога вінавацяць у”здрадзе дзяржаве”, „стварэнні злачыннай арганізацыі”, „акце тэрарызму”, „замаху на захоп дзяржаўнай улады неканстытуцыйным шляхам”.
Беларускае Радыё Рацыя
Artykuł Палітвязня Уладзіміра Гундара змясцілі ў карцар pochodzi z serwisu БЕЛАРУСКАЕ РАДЫЁ РАЦЫЯ.