Батумі: Канцэрт беларускіх выканаўцаў
Выступілі Спеўны сход і бард Юры Несцярэнка, спявачка Уна і гурт ДОДОМА.
Artykuł Батумі: Канцэрт беларускіх выканаўцаў pochodzi z serwisu БЕЛАРУСКАЕ РАДЫЁ РАЦЫЯ.
Вялікі канцэрт у межах Тыдня Беларускай культуры адбыўся ў грузінскім Батумі.
Выступілі Спеўны сход і бард Юры Несцярэнка, спявачка Уна і гурт ДОДОМА. Выступ музыкаў доўжыўся тры гадзіны і прысутныя беларусы падзяліліся сваімі ўражаннямі:
– Спадабалася тое, што мы разам прыйшлі сюды, каб паслухаць беларускую музыку. Праграма эклектычная, я думаю, што кожны пачуў сёння тое, што яму цікава, ад бардаў да рэпераў. Настолькі маштабная напэўна ў першы раз.
– Сустрэла шмат беларусаў, родныя сцягі, колеры. Мы дастаткова позна прыйшлі, але цікава. Спадабалася, што прыйшло шмат людзей, якія сапраўды любяць нашую творчасць, які хочуць несці нешта адметнае ў гэты свет і верыць у лепшае нягледзячы ні на што.
Цягам тыдня беларускай культуры ў грузінскім Батумі адбыўся цэлы шэраг мерапрыемстваў. Гэта быў дранік – фэст і чытанне вершаў, прэзентацыя кніг Наталлі Харытанюк і Купалле. Заключнымі мерапрыемствамі будзе прагляд фільма пра Вольны хор і вандроўка на караблі па мору.
Беларускае Радыё Рацыя
Artykuł Батумі: Канцэрт беларускіх выканаўцаў pochodzi z serwisu БЕЛАРУСКАЕ РАДЫЁ РАЦЫЯ.