„Жальгірыс” узяў верх над „Мальмё”, а „Карабах” абыграў „Цюрых” у кваліфікацыі ЛЧ

20.07.2022 09:52

У рамках кваліфікацыі Лігі чэмпіёнаў прайшлі першыя матчы другога раўнда адбору.

Artykuł „Жальгірыс” узяў верх над „Мальмё”, а „Карабах” абыграў „Цюрых” у кваліфікацыі ЛЧ pochodzi z serwisu БЕЛАРУСКАЕ РАДЫЁ РАЦЫЯ.

У рамках кваліфікацыі Лігі чэмпіёнаў прайшлі першыя матчы другога раўнда адбору. Літоўскі «Жальгірыс” абыграў на хатняй арэне шведскі „Мальмё” – 1:0.

Азербайджанскі „Карабах” быў мацней за швейцарскі „Цюрых” – 3:2, армянскі «Пюнік” саступіў люксембургскаму „Дзюдзеланж” – 0:1. Балгарскі „Лудагорэц” буйна перамог ірландскі клуб „Шэмрак Роверс” з лікам 3:0 – дублем адзначыўся кіпрскі нападнік Пьерос Сацірыу. Дацкі «Міцьюланд” і кіпрскі АЕК згулялі ўнічыю 1:1. Не вызначылі пераможцу таксама харвацкае «Дынама” і паўночнамакедонскі „Шкупі” 2:2. Паўночнаірландскі «Лінфілд” мінімальна абыграз нарвежскі «Будзё/Глімт” — 1:0

Волкаў уключаны ў заяўку БАТЭ на матчы Лігі канферэнцый

Абаронца Захар Волкаў уключаны ў заяўку БАТЭ на матчы Лігі канферэнцый. Аб гэтым інфармуе афіцыйны сайт УЕФА. Першую палову года беларус правёў у расійскіх „Хімках”. У аўторак „жоўта-сінія” авіярэйсам Менск — Анталья адправіліся ў Турцыю, дзе іх чакаюць матчы з „Каньяспорам” у 2-м кваліфікацыйным раўндзе Лігі канферэнцый. Абодва паядынкі пройдуць на стадыёне „Конья Бююкшэхір” — 21 і 28 ліпеня. У выязным складзе 25 гульцоў. У адпаведнасці з рэгламентам, да першай гульні з „Каньяспорам” „жоўта-сінія” маюць магчымасць дазаявіць аднаго або двух навічкоў, зазначае афіцыйны сайт БАТЭ.

Мінскае „Дынама” падпісала кантракт з Канцавым

Кантракт з менскім „Дынама” падпісаў беларускі паўабаронца Арцём Канцавы. Як паведамляе афіцыйны сайт клуба, кантракт разлічаны да канца бягучага сезона. Арцём з’яўляецца выхаванцам магілёўскага „Дняпра”. У пачатку сезона-2020 Канцавы падпісаў кантракт з берасцейскім „Рухам”, дзе правёў два паўнавартасныя сезоны. У складзе клуба паўабаронца згуляў 57 матчаў, забіў 12 галоў і аддаў 14 перадач. Сёлета ў студзені перайшоў у чэшскі „Банік” на правах арэнды, дзе правёў першую палову сезона і прыняў удзел у 7 матчах. У складзе бела-сініх гулец будзе выступаць пад нумарам 80.

Матэйс дэ Ліхт перайшоў у „Баварыю” з „Ювентуса” за 80 млн еўра

Мюнхенская „Баварыя” аб’явіла аб трансферы Матэйса дэ Ліхта. Абаронца падпісаў кантракт з мюнхенскім клубам тэрмінам дзеяння да 2027 года. Нямецкі клуб заплаціць „Ювентусу” 80 млн еўра. У афіцыйным прэс-рэлізе турынскі клуб паведаміў, што атрымае ад „Баварыі” 67 мільёнаў еўра за продаж гульца. Гэтую суму мюнхенскі клуб выплаціць за 4 фінансавыя гады. У пагадненні паміж клубамі таксама прадугледжаны бонусы ў памеры 10 мільёнаў еўра.

Сяргей Шыловіч увайшоў у трэнерскі штаб БДУФК-СКА

„Вядомы беларускі гандбаліст Сяргей Шыловіч быў прадстаўлены ў якасці трэнера БДУФК-СКА. За сваю гульнявую кар’еру Сяргей выступаў за СКА, „Аркатрон”, „Дынама”, „Погань”, „Мяшкоў Брэст”. Шматразовы пераможца чэмпіянату Беларусі і Кубка Беларусі. У 2013 годзе ў складзе СКА стаў уладальнікам Кубка выкліку. У сезоне-2019/20 правы паўсярэдні зноў вярнуўся ў СКА і правёў свой заключны сезон у якасці гандбаліста. За зборную Сяргей Шыловіч правёў 160 матчаў і закінуў 509 галоў.

Палішчук перайшоў у хакейны клуб «Юнацтва-Мінск»

Нападнік Захар Палішчук папоўніў шэрагі хакейнага клуба „Юнацтва-Мінск”. Пагадненне з гульцом заключана тэрмінам на адзін год. Мінчане атрымалі правы на гульца па выніках абмену са жлобінскім „Металургам”. Палішчуку 23 гады. У мінулым сезоне ён выходзіў на лёд у 62 матчах, падчас якіх зарабіў 19 (6+13) балаў. Таксама разам з „Металургам” ён стаў пераможцам чэмпіянату Беларусі.

Сасновіч правядзе матч 1/8 фіналу турніру ВТА-250 у Гамбургу

Беларуска Аляксандра Сасновіч cёння правядзе матч 1/8 фіналу турніру ВТА-250 у нямецкім Гамбургу з прызавым фондам 251 750 даляраў. Наша суайчынніца будзе супернічаць з 75-й ракеткай планеты сербкай Аляксандрай Круніч. Пачатак паядынку ў 12.00 па беларускім часе.

Беларускае Радыё Рацыя