Палітзняволеную пенсіянерку Галіну Дзербыш змясцілі ў карцар на 7 сутак
Хворую на анкалогію пенсіянерку c, якую цяпер судзяць па «справе Аўтуховіча», учора змясцілі ў карцар тэрмінам на 7 сутак.
Прычынай стала яе адмова праходзіць «рамку»: перад пасяджэннямі абвінавачаных прымушаюць раздзявацца і праходзіць праз сканер. Нядаўна перад чарговым пасяджэннем Галіна таксама адмовілася раздзявацца і даваць рэчы на праверку. Тады з яе пачалі сцягваць вопратку з яе сілай, падчас гэтага парвалі майку жанчыны. На судзе была бачна дзірка сантыметраў дзесяць на баку. Галіна Іванаўна мае інваліднасць другой групы, у яе анкалагічнае захворванне і праблемы з сэрцам.
Жанчына атрымлівае лісты толькі ад сваякоў. На адным з пасяджэнняў Галіна заявіла, што падчас следства ёй увесь час пагражалі і прымушалі агаворваць сябе.
Artykuł Палітзняволеную пенсіянерку Галіну Дзербыш змясцілі ў карцар на 7 сутак pochodzi z serwisu БЕЛАРУСКАЕ РАДЫЁ РАЦЫЯ.