Салігорскі „Шахцёр” выйшаў на першае месца ў чэмпіянаце Беларусі

У перанесеным матчы 14-га тура чэмпіёны краіны абыгралі на сваім полі "Слуцк".

Artykuł Салігорскі „Шахцёр” выйшаў на першае месца ў чэмпіянаце Беларусі pochodzi z serwisu БЕЛАРУСКАЕ РАДЫЁ РАЦЫЯ.

Футбалісты салігорскага „Шахцёра” выйшлі ў лідары чэмпіянату Беларусі. 

У перанесеным матчы 14-га тура чэмпіёны краіны абыгралі на сваім полі „Слуцк” 2:1. На 33-й хвіліне сустрэчы Ілля Чарняк забіў першы гол, а за хвіліну да перапынку абаронца гасцей Павел Грэчышка зрэзаў мяч у сваю браму. У другім тайме слуцкія футбалісты зайгралі больш актыўна, і на 88-й хвіліне Кірыл Вяргейчык скараціў разрыў у ліку.

Пасля гэтай перамогі „Шахцёр” набраў 30 ачкоў і ўзначаліў турнірную табліцу. На адзін бал менш мае барысаўскі БАТЭ, па 28 ачкоў у актыве „Іслачы” з Менскага раёна і сталічнага „Энергетыка-БДУ”.

Івашка выйшаў у 1/2 фіналу турніру ў Атланце

Беларускі тэнісіст Ілья Івашка, які мае 53-і нумар сусветнага рэйтынгу, прабіўся ў паўфінал турніру катэгорыі АТР-250 у амерыканскай Атланце з прызавым фондам 708,5 тысяч даляраў.  У чвэрцьфінале Івашка адолеў у трохсэтавым паядынку 36-ю ракетку планеты амерыканскага тэнісіста Томі Пола – 6:2, 3:6, 6:1. Сустрэча працягвалася роўна 2 гадзіны. У гульні за выхад у фінал беларускі тэнісіст будзе супернічаць з пераможцам гульні паміж аўстралійцам Алексам дэ Мінаўрам  і французам Адрыянам Манарына.

Сакалоў працягне кар’еру ў менскім „Дынама”

Расейскі хакеіст Дзмітрый Сакалоў стаў гульцом менскага „Дынама”
У стан „зуброў” 24-гадовы форвард перайшоў з „Авангарда” на правах арэнды. У мінулым чэмпіянаце Кантынентальнай хакейнай лігі Сакалоў правёў за амічоў 4 сустрэчы, дзе вызначыўся адной закінутай шайбай. Большую частку сезону  расеец адыграў у ВХЛ за „Омскія крылы”, у складзе якіх набраў 47 (27+20) балаў у 43 матчах.

Таксама ў актыве нападніка багаты вопыт выступаў у хакейных лігах Паўночнай Амерыкі. У АХЛ Дзмітрый Сакалоў правёў 118 матчаў за „Аёву”, дзе зарабіў 57 (35+22) ачкоў. У лізе Антарыё на рахунку форварда 244 (142+102) балы ў 214 сустрэчах. Акрамя таго, Сакалоў выклікаўся ў юніёрскую і маладзёжную зборныя Расіі.

Антыдопінгавыя службы падчас Алімпіяды ў Пекіне супрацоўнічалі з прыбіральшчыкамі памяшканняў

Пра гэта гаворыцца ў справаздачы незалежнай групы назіральнікаў Сусветнага антыдопінгавага агенцтва (WADA).

У кіраўніцтве для клінінг-персанала гаварылася аб аб’ектах, на якія варта зважаць падчас Гульняў, таксама іх заклікалі паведамляць аб любых незвычайных паводзінах, фатаграфаваць падазроныя прадметы і дасылаць здымкі адмыслоўцам.

Алімпіяда ў Пекіне праходзіла з 4 па 20 лютага.

Беларускае Радыё Рацыя

Artykuł Салігорскі „Шахцёр” выйшаў на першае месца ў чэмпіянаце Беларусі pochodzi z serwisu БЕЛАРУСКАЕ РАДЫЁ РАЦЫЯ.