Аэрадром Зябраўка мае відавочныя прыкметы нядаўняга ўдару па ім
Кампанія Maxar апублікавала новыя спадарожнікавыя здымкі аэрадрома Зябраўка пад Гомелем, фатаграфіі зробленыя 12 жніўня. На здымках на галоўнай узлётна-пасадачнай паласе можна бачыць сляды пажару ад нядаўняга выбуху, а паблізу відаць спаленую расліннасць.
У ноч з 10 на 11 жніўня жыхары паўднёвых раёнаў Гомеля і навакольных вёсак чулі гукі, падобныя да выбухаў, і бачылі сполахі на небе. Міністэрства абароны Беларусі паспрабавала супакоіць беларусаў: “10 жніўня каля 23 гадзін у часе кантрольнага прабегу адной з адзінак тэхнікі пасля праведзенай замены рухавіка адбылося загаранне”. Пра выкарыстанне расейскімі войскамі вайсковага аэрадрома “Зябраўка” стала вядома ў першыя дні вайны. Адтуль рэгулярна выляталі самалёты і верталёты, запускалі ракеты па Украіне. Украіна не пацвярджае сваю датычнасць да выбухаў у Зябраўцы.
Наша Ніва
Artykuł Аэрадром Зябраўка мае відавочныя прыкметы нядаўняга ўдару па ім pochodzi z serwisu БЕЛАРУСКАЕ РАДЫЁ РАЦЫЯ.