79 гадоў таму выбухнула паўстанне ў Беластоцкім гета
З нагоды гэтай даты ў Беластоку прайшлі памятныя мерапрыемствы.
Artykuł 79 гадоў таму выбухнула паўстанне ў Беластоцкім гета pochodzi z serwisu БЕЛАРУСКАЕ РАДЫЁ РАЦЫЯ.
79 гадоў таму распачалося паўстанне ў Беластоцкім гета, якое трывала 5 дзён і было жорстка задушанае нацыстамі. Больш 300 удзельнікаў паўстання загінулі, а 35 000 габрэяў было вывезена ў канцлагеры. З нагоды гэтай даты ў Беластоку прайшлі памятныя мерапрыемствы. Галоўнае з якіх – ускладанне кветак да помніка Герояў гета на пляцы імя Мардэхая Таненбаўма – аднаго з кіраўнікоў паўстання.
Акрамя гарадскіх уладаў Беластоку ў памятных мерапрыемствах узяў удзел і амбасадар Ізраіля ў Польшчы – Якаў Ліўна:
– Дарагія сябры, цешуся, што магу быць тут з вамі. Перад Другой сусветнай вайной у Беластоку жыло столькі габрэяў, што яны складалі большасць насельніцтва горада. Перажылі вайну няшмат. Былі яны забітыя нацыстамі і іх памагатымі толькі з адной прычыны – яны былі габрэямі, гэта быў іх адзіны грэх.
Удзел у памятных мерапрыемствах узяў таксама амбасадар Нямеччыны ў Польшчы – Томас Багер:
– У мяне не змяшчаецца ў галаве, як мае продкі маглі браць удзел у гэтым. Існаванне такіх рэчаў, як антысемітызм і ксенафобія, паказваюць як патрэбна мая сённяшняя прысутнасць тут. І мы павінны сказаць: ніколі больш! Але мір у Еўропе аказаўся парушаны варварскай вайной, якую пачала Расея ва Украіне.
Беларускае Радыё Рацыя
Artykuł 79 гадоў таму выбухнула паўстанне ў Беластоцкім гета pochodzi z serwisu БЕЛАРУСКАЕ РАДЫЁ РАЦЫЯ.