Жанчына, пакараная трохгадовым тэрмінам «дамашняй хіміі», просіць дапамогі
Вольга просіць людзей стаць яе заказчыкамі, паколькі Івацэвіч – горад невялікі.
Artykuł Жанчына, пакараная трохгадовым тэрмінам «дамашняй хіміі», просіць дапамогі pochodzi z serwisu БЕЛАРУСКАЕ РАДЫЁ РАЦЫЯ.
Пакараная трохгадовым тэрмінам «дамашняй хіміі» нібыта за абразу капітана Івацэвіцкага РАУС Руслана Куцко ў інтэрнетсетках маці-адзіночка Вольга Кронда з Івацэвіч просіць дапамогі.
Яна рамесніца, робіць дзіцячыя ўпрыгожанні ў валасы, вышывае ручнікі і іншае. Але па выходных днях ёй не дазволіў начальнік Івацэвіцкага РАУС вывезці прадукцыю ў Менск, на рамесніцкі рынак. Наогул у выходныя ёй забаронена пакідаць кватэру. На Вользе вісіць аплата Куцко ў памеры 3000 рублёў маральнай шкоды. Дзіця моцна хварэе. Дапамогу могуць аказаць толькі ў Берасці і Менску ў прыватных цэнтрах. А яшчэ трэба проста жыць, кажа Вольга Кронда:
– Я яму тлумачу: у мяне ёсць квітанцыя аб аплаце. Мы ездзілі ў Берасце – да аднаго, другога лекара, затым зайшлі паабедаць. За адну паездку – 90 рублёў. Мне выпісалі дзіцёнку сродкі прамываць нос, і гэтыя леку каштуюць больш за 50 рублёў. Праз месяц – тое ж самае. Мне трэба яшчэ ў гэтым месяцы ехаць у медычны цэнтра здаваць кроў з вены. І за гэта таксама трэба плаціць.
Вольга просіць людзей стаць яе заказчыкамі, паколькі Івацэвіч – горад невялікі, людзі жывуць небагата, каму трэба былі гэтыя рэчы, узялі. А прадукцыя ў Вольгі сапраўды прыгожая. Хто выкажа жаданне набыць у Вольгі рэчы і такім чынам дапамагчы смелай і годнай жанчыне, пішыце ёй у інстаграм. Адрас: https://instagram.com/olga.kronda3301
Беларускае Радыё Рацыя
Artykuł Жанчына, пакараная трохгадовым тэрмінам «дамашняй хіміі», просіць дапамогі pochodzi z serwisu БЕЛАРУСКАЕ РАДЫЁ РАЦЫЯ.