Менскае „Дынама” прапусціла ўжо 51 шайбу ў КХЛ
Больш шайб прапусціў толькі "Нафтахімік" — 55.
Artykuł Менскае „Дынама” прапусціла ўжо 51 шайбу ў КХЛ pochodzi z serwisu БЕЛАРУСКАЕ РАДЫЁ РАЦЫЯ.
Менскае „Дынама” прапусціла 51 шайбу ў 16 матчах рэгулярнага чэмпіянату КХЛ. Па гэтым паказчыку менчукі найгоршыя ў Заходняй канферэнцыі і другія з канца ва ўсёй лізе.
Больш шайб прапусціў толькі „Нафтахімік” — 55. Пры гэтым „Дынама” трымаецца ў зоне плей-оф на Захадзе. У апошніх сямі матчах „зубры” здабылі толькі адну перамогу.
Абноўленыя мужчынскі і жаночы тэнісныя рэйтынгі
У абноўленым рэйтынгу Асацыяцыі тэнісістаў прафесіяналаў (АТП) працягвае лідыраваць іспанец Карлас Алькарас. У першай тройцы змен не адбылося – другі яшчэ адзін іспанец Рафаэль Надаль, трэці – нарвежац Каспер Рууд. На пятае месца падняўся грэк Стэфанас Цыцыпас, амерыканец Тэйлар Фрытц увайшоў у топ-10, дзе займае восьмае месца. Лепшы з беларусаў – Ілля Івашка, у яго 70-я пазіцыя.
У абноўленым жаночым рэйтынгу (ВТА) лідыруе Іга Свёнтэк з Польшчы, другое месца ў Онс Жабер з Туніса, трэцяя – Анет Кантавейт з Эстоніі. Беларуска Арына Сабаленка займае пятае месца, а Аляксандра Сасновіч вярнулася на рэкорднае для сябе 29-е месца.
Алегры наўрад ці звольняць з «Ювентуса» да канца года
Масіміліяна Алегры, хутчэй за ўсё, не сыдзе з «Ювентуса» да канца гэтага года. Турынская каманда прайграла «Мілану» (0:2) у 9-м туры Серыі А і ідзе на 8-м месцы ў табліцы, адстаючы ад лідыруючага «Напалі» на 10 ачкоў. Кіраўніцтва «б’янканеры» салідарна з трэнерам, што многія футбалісты на старце сезона гуляюць не на сваім узроўні. Тым не менш да канца года Алегры звольнены не будзе. Гэта звязана з вялікай кампенсацыяй, якую клуб павінен будзе выплаціць трэнеру ў выпадку адстаўкі.
БАТЭ прызначыць Альшэўскага галоўным трэнерам у бліжэйшы час
Па інфармацыі «Трыбуны», у бліжэйшы час БАТЭ прызначыць галоўным трэнерам клуба Кірыла Альшэўскага. Ён узначальваў асноўны склад каманды ў 2020 годзе. Раней была інфармацыя аб тым, што Альшэўскі – адзіны варыянт на пасаду галоўнага трэнера БАТЭ для Андрэя Капскага, які і адправіў у трэнера адстаўку ў верасні 2020-га. Альшэўскі ў дадзены момант пад банам з боку міністра спорту Сяргея Кавальчука. Трэнер сышоў з „Руху” пасля каментара ў падтрымку журналіста Аляксандра Івуліна.
Беларускае Радыё Рацыя
Artykuł Менскае „Дынама” прапусціла ўжо 51 шайбу ў КХЛ pochodzi z serwisu БЕЛАРУСКАЕ РАДЫЁ РАЦЫЯ.