Барысаўскі БАТЭ абыграў „Нёман” у матчы чэмпіянату Беларусі
Ужо на 5-й хвіліне Валерый Грамыка адкрыў лік выдатным далёкім ударам.
Artykuł Барысаўскі БАТЭ абыграў „Нёман” у матчы чэмпіянату Беларусі pochodzi z serwisu БЕЛАРУСКАЕ РАДЫЁ РАЦЫЯ.
Барысаўскі БАТЭ абыграў гарадзенскі „Нёман” у апошнім матчы 27-га тура чэмпіянату Беларусі. Ужо на 5-й хвіліне Валерый Грамыка адкрыў лік выдатным далёкім ударам. У сярэдзіне другога тайма Іван Садаўнічы аднавіў раўнавагу, а потым капітан БАТЭ Станіслаў Драгун забіў пераможны гол – 2:1.
Таксама адзін з прэтэндэнтаў на золата сталічны „Энергетык-БДУ” выйграў у Магілёве ў аўтсайдэра турніру „Дняпра” – 2:0. Футбалісты „Гомеля” перамаглі на сваім полі „Іслач” з Мінскага раёна з лікам 3:1.
Хакеісты менскага „Дынама” прайгралі маскоўскім аднаклубнікам у КХЛ
Хакеісты менскага „Дынама” пацярпелі паразу ад маскоўскага „Дынама” ў чарговым матчы рэгулярнага чэмпіянату Кантынентальнай хакейнай лігі.
Каманды абыходзіліся без закінутых шайбаў на працягу амаль усёй сустрэчы. Адзінае ўзяцце брамы гледачы на „Мінск-Арэне” ўбачылі толькі за тры хвіліны да фінальнай сірэны, калі вызначыўся форвард масквічоў Дзмітрый Рашэўскі – 1:0. Такім чынам, падначаленыя Вудкрафта набралі ў хатняй серыі чатыры ачкі з шасці магчымых: раней беларуская каманда абыграла „Сочы” (5:3) і „Лакаматыў” 5:2. На дадзены момант „зубры” з 22 баламі размяшчаюцца на 8-й пазіцыі ў Заходняй канферэнцыі, адстаючы ад 7-га месца на 3 ачкі. Наступны матч у КХЛ мянчане правядуць 27 кастрычніка ў гасцях у маскоўскага ЦСКА.
Баскетбалісты „Мінска” прайгралі „Енісею” ў Адзінай лізе ВТБ
Баскетбалісты „Мінска” прадоўжылі няўдалую серыю ў новым сезоне Адзінай лігі ЗГБ, паведамляе карэспандэнт БЕЛТА. Чэмпіёны Беларусі пацярпелі пятую паразу, прайграўшы на арэне мінскага Falcon Club краснаярскаму „Енісею”, які да гэтага не выйграваў, – 36:54.
У пятніцу „Мінск” згуляе ў гасцях у „Зеніта”. Турнірную табліцу цяпер узначальваюць казанскі УНІКС і ЦСКА, якія святкавалі перамогі ва ўсіх пяці праведзеных паядынках.
Беларускае Радыё Рацыя
Artykuł Барысаўскі БАТЭ абыграў „Нёман” у матчы чэмпіянату Беларусі pochodzi z serwisu БЕЛАРУСКАЕ РАДЫЁ РАЦЫЯ.