Пра выбітных беларусаў, пахаваных на Беласточчыне
Размаўляем з сябрам Беларускага гістарычнага таварыства у Польшы Аляксеем Трубкіным - пра выбітных беларусаў, пахаваных на Беласточчыне.
Artykuł Пра выбітных беларусаў, пахаваных на Беласточчыне pochodzi z serwisu БЕЛАРУСКАЕ РАДЫЁ РАЦЫЯ.
Напярэдадні некалькіх свят – беларускіх Дзядоў, а таксама Дня усіх святых, які адзначаюць у Польшчы, размаўляем з сябрам Беларускага гістарычнага таварыства у Польшы Аляксеем Трубкіным – пра выбітных беларусаў, пахаваных на Беласточчыне.
– Хацелася б адзначыць аднаго са старэйшых беларускіх дзеячаў, ён сам паходзіць з Беластока – гэта Кастусь Сідарэвіч. Чалавек, які быў, напэўна, ва ўсіх беларускіх арганізацыях. Ці быў пачынальнікам арганізацый ці ў іх складзе, то-бок у міжваеннай Польшчы і падчас нямецкай акупацыі удзельнічаў у культурным жыцці Беластока. І пасля вайны працягваў займацца тым, што быў у ТБШ, у беларускім камітэце, і ў беларускім грамадска-культурніцкім таварыстве.
– Сын Ларысы Геніюш – Юрый Геніюш. Ён таксама ў нас пахаваны на праваслаўных могілках на Выгодзе. Цікава, што абсалютная большасць дзеячаў пахаваная як раз на Выгодзе. Юрый Геніюш пражыў у Беластоку амаль усё сваё жыццё, працаваў лекарам. Таксама ўдзельнічаў у беларускім жыцці Беластока ў часы Польскай Народнай рэспублікі, быў чальцом аб’яднання пісьменнікаў і паэтаў „Белавежа”. Мала хто ведае, беларусы, напэўна, адзіныя, хто стварылі такое аб’яднанне за межамі, якое дзейнічае і дагэтуль.
– Варта сказаць пра Васіля Юраўца – гэта стары беларускі дзеяч, які з’яўляўся пачынальнікам Таварыства беларускай школы – арганізацыя, якая больш масава дзейнічала ў міжваенны перыяд на тэрыторыі ўсёй Заходняй Беларусі. І ён быў адным з тых, хто як раз на Беласточчыне заклікаў да таго, каб людзі далучаліся да таварыства, друкаваўся ў віленскай прэсе.
Цалкам аповед пра выбітных беларусаў слухайце ў далучаным аўдыёфайле:
Раней Аляксей праводзіў экскурсіі па магілах выбітных беларусаў, але у гэтым годзе традыйнай экскурсіі ня будзе. Пры гэтым кожны самастойна можа наведаць іх. Усе лакацыі пазначаны на гугл-мапе па запыце “Беларускі Беласток” а таксама у Вікіпедыі па запыце “Праваслаўныя могілкі у Беластоку”.
Беларускае Радыё Рацыя
Artykuł Пра выбітных беларусаў, пахаваных на Беласточчыне pochodzi z serwisu БЕЛАРУСКАЕ РАДЫЁ РАЦЫЯ.